Elisa y marcela

Güei traigo una reseñuca curtia d'un cómic, formatu que nun suelo lleer muncho.
La verdá que nun tengo muncho que dicir acerca d'él más que m'encantó. Los dibuxos son preciosos y l'autora tien un gran dominiu de los colores. Visualmente preciosu.

Les úniques pegues que-y puedo poner son:

a) la narración ye un poco d'aquella manera. Si nun conoces la hestoria orixinal, la llectura pue resultar un poco confusa y difícil de siguir. Por embargu, la idea xeneral entiéndese perfeutamente, y lo importante ye difundir la hestoria d'estes muyeres pioneres.

b) demasiao curtio. Cierto ye que la información ye escasa y que muches coses tienen que tomase con pinces pues tan basaes na especulación y rumores. Aun asina, gustaríame deprender dalgo más, dalgo que nun supiere. Con esto nun quiero desacreditar el trabayu d'investigación y gueta de l'autora, nin muncho menos.

Resumiendo, llectura más que recomendá. Rápida y prestosísima. Go lesbians!!!