The Dutch House

Una hestoria na que considero que'l personaxe principal ye un llugar, un oxetu inanimáu: la casa neerlandesa. Sólo ta presente físicamente durante aprox. un 25% del llibru, aun asina ta presente constantemente, incluso si nun se fala d'ella. Sentía la so presencia en cá páxina. Un poco como ANHQV, onde'l protagonista ye l'edificiu. Dafechu, cuando lu tiren, la serie ta obligá a terminar, nun tien protagonista. Pero bono, a lo que taba: Maeve y Danny son hermanos y viven nesta casa. Costruyóse a entamos del sieglu XX, una casa enorme con tolos luxos y detalles arquitectónicos de la época. So ma abandonólos cuando Danny, el narraor, ye demasiáu pequeñu como p'alcordase d'ella. Viven con so pa, un axente inmobiliariu ausente. Ta ehí físicamente, pero nun paez qu'haiga una conexón real y afectiva. Al pocu, cásase con Andrea, l'estereotipu d'una madrastra malvá. Ún de los motifs más antiguos habíos y por haber. Tres una serie de catastrófiques desdiches, échalos de casa, de la casa neerlandesa. Dende isti puntu, el llibru narra lo qu'estos personaxes deciden facer colsa so vida tando relativamente desamparaos. Pasaron de der probes, a ricos, a probes otra vegada.

He de dicir que nun me gusta Danny como narraor. Encontrélu pesáu y prepotente, incluso cuando en delles situaciones entendía y taba d'alcuerdu con como pensaba. Paecióme ciertamente plamu, mientres que Maeve ye mil veces más interesante ya enigmática. Amás, la manera na que trata a Celeste paezme triste, increíblemente machista, pero, al fin y al cabu, realista. Nun la quier realmente, tolérala (alexa, play tolerate it by taylor swift) porque nun molesta, nun se mete nos sos asuntos.

Bien, agora colos temes de la novela. Entendí la imaxe de la casa neerlandesa nes últimes páxines como una metáfora d'un coping mechanism tornáu viciu. Dempués de que los echaren, vuelve periódicamente a la cai de la casa. Nun entren, sólo miren, fumen y falen. Van y vuelven constantemente porque considérenla como una parte de la so identidá. ¿Quién son ensin ella? Relacionélo cola reticencia que nos mesmos podemos tener a la hora de superar dalgo colo que llevamos lluchando munchu tiempu. Si vives munchos años con ansiedá, entames a sintila como dalgo intrínseco ya inamovible del to carácter, llegando hasta tal puntu de saboteate pa nun perder esa parte d'identidá. Nun te fai ningún bien, pero vuelves a ello porque te conforta, ye familiar, ye tuyo.

Utru tema mui importante ye'l pasáu y la nuesa relación con él. Plantega si ye realmente posible evocar eventos pasaos ensin modificalos y tiñilos col nuesu xuiciu actual. ¿Esiste un pasáu oxetivu? ¿Va cambiando con nos según crecemos y maduramos?

Tamién quiero mencionar que considero que sobraben delles páxines. ¡Nun pasa na porque los llibros sían curtios! La segunda parte fízoseme mui pesá, ye un real estate simulator. Dábame bastante igual.

“Women had read about their liberation in books, but not many of them had seen what it looked like in action.”

“We had lived without expecting to live.”

“We had made a fetish out of misfortune, fallen in love with it.”